ہماری دنیا بیورو
نئی دہلی :جرمنی کی چانسلر انجیلا مرکل نے کشمیر کےحالات پر تشویش کا اظہار کیا ہے۔انہوں نے کہا کہ کشمیر کے لوگ جن حالات میں رہ رہے ہیں وہ بے حد تشویش ناک ہے۔ مرکل نے کہا کہ کشمیر کے حالات کو بہتر کرنے کی ضرورت ہے۔ بھارت دورہ پر آئیں انجیلا مرکل نے نامہ نگاروں سے بات چیت میں کہا کہ وہ کشمیر کے معاملہ کو وزیراعظم نریندر مودی کے سامنے اٹھائیں گی۔
اس دوران انجیلا مرکل نے کہا کہ وہ کشمیر کے معاملے پر بھارت کے موقف سے واقف ہیں۔ لیکن یہاں یہ معنی نہیں رکھتا۔ جرمن چانسلر نے کہا کہ وہ وزیراعظم نریندر مودی سے کشمیر میں امن بحالی کے پلان کے بارے میں سننا چاہتی ہیں۔ انہوں نے کہاکہ موجودہ حالات میں کشمیر کے حالات ٹھیک نہیں ہیں۔ وہاں لوگ مشکل حالات میں رہ رہے ہیں،اس کو سدھارنے کی ضرورت ہے۔
واضح رہے کہ جرمنی کی چانسلر انجیلا مرکل اپنے تین روزہ دورے پر بھارت آئی ہیں۔ جامعہ کو وزیراعظم سے ملاقات سے قبل مرکل راج گھاٹ گئیں اور مہاتما گاندھی کو خراج عقیدت پیش کیا۔