ہماری دنیا بیورو
احمد آباد، 22 نومبر۔ متنازعہ خود ساختہ بابانتیانند ملک چھوڑ کر بھاگ گیا ہے۔ اس کے کیریبین ملک ترینیداد اینڈ ٹوباگو میں ہونے کی معلومات گجرات پولیس کو مل رہی ہے۔ گجرات پولیس نے آشرم میں نوعمر لڑکوں اور لڑکیوں کو یرغمال بنانے کے معاملے میں نتیانند کے خلاف مقدمہ درج کیا ہے۔ آشرم سے دو خواتین آپریٹروں کو پکڑے جانے کے بعد اپنی گرفتاری کے ڈر سے نتیانند کے ملک چھوڑنے کی تصدیق گجرات پولیس نے کی ہے۔ پولیس نے اس کی گرفتاری کے لئے وزارت خارجہ سے رابطہ کیا ہے۔ نتیانند کے خلاف کرناٹک میں بھی ایک مقدمہ درج کیا گیا ہے۔
گجرات پولیس نے جب وزارت خارجہ سے رابطہ کیا تو وزارت کے ترجمان رویش کمار نے جمعرات کے روز کہا کہ نتیانند کے بھارت سے فرار ہونے کی پولیس یا وزارت داخلہ سے کوئی سرکاری اطلاع نہیں ملی ہے۔ اس کی گرفتاری کے لئے ہمیں اس کی جگہ اور شہریت کے بارے میں معلومات جمع کرنی ہوگی، تبھی ننتیانند کو واپس لانے کا عمل شروع ہو سکتاہے لیکن ہمارے پاس ابھی تک اس بارے میں ایسی کوئی معلومات نہیں ہے۔
ایک اور سادھو کے آشرم سے دو لڑکیاں غائب، بیرون ملک فروخت کرنے کا شک
دہشت گردوں کوفنڈنگ کرنے والی کمپنی سے بی جے پی نے لیا 10 کروڑ کا چندہ
سنگھی لیڈر کی مورتی پر اپنے ہی گھر میں پوت دی گئی سیاہی
واضح رہے کہ کرناٹک کے ایک جوڑے نے نتیانند آشرم میں عقیدت ہونے کے سبب 6 ماہ پہلے اپنی 3 بیٹیاں اور 1 بچے کا بنگلورو کے آشرم میں داخلہ کرایا تھا۔ بعد میں انہیں اس جوڑے کی منظوری پر احمد آباد آشرم لے جایا گیا۔ یہ لوگ گزشتہ دس دنوں سے اپنے دونابالغ بچوں اور دو بالغ بیٹیوں کومٹھ کے چنگل سے آزاد کرنے کا مطالبہ کر رہے تھے۔ جب ان کی کہیں سنوائی نہیں ہوئی تو جوڑے نے ہائی کورٹ میں عرضی دائر کرکے اپنے بچوں کو غائب کرانے کا الزام لگایا۔
ہائی کورٹ کی ہدایت پر 2 نومبر کو جوڑے کی شکایت پر پولیس نے سوامی نتیانند اور دو خادماﺅںپران پریہ اور پیہ تتوا پر بچوں سے مار پیٹ کرنے، اغوا، یرغمال بنانے اور چائلڈ لیبر ایکٹ کے تحت کیس درج کرکے تحقیقات شروع کی۔ پولیس نے تحقیقات کے دوران منگل کو ایک بیٹی اور ایک بیٹے کو آشرم سے نکال لیا لیکن ان کی 2 لڑکیاں آشرم میں نہیں ملیں۔ ان میں سے ایک لڑکی کو نتیانند کے اہلکاروں کے ذریعہ کیریبیائی ملک ترینیداد پہنچانے کی اطلاع ملی کیونکہ وہاں سے اس لڑکی نے اسکائپ کے ذریعے اہل خانہ کو میسج کئے۔ آشرم سے نکالے گئے بچوں کو رائے پور کے ایک یتیم خانے میں محفوظ رکھا گیا اور آشرم کے 20 پیروکاروں کے بیان بھی درج کئے گئے۔ پیروکاروں کے بیانات سے پتہ چلا کہ اس مٹھ میں بچوں اور خواتین کا گزشتہ ڈھائی سال سے استحصال کیا جا رہا ہے۔
