ہماری دنیا بیورو
نئی دہلی ،12نومبر:ہندوستان کے پہلے وزیر تعلیم مو لانا ابولکلام آزاد کی یو م ولادت پر بازار مٹیا محل میں واقع رحمت اللہ ہو ٹل کے مالک اورسینئرسماجی کارکن حاجی فضل الرحمن قریشی کی رہائش 'رحمن ہاﺅس ' میںمو لانا آزاد کی ملک اور تعلیمی خدمات کے موضوع پر اہم مزاکرہ منعقدہ کیا گیا ۔
جس میںپرو فیسررا جکمار جین اور اجمیری گیٹ وارڈ کے میونسپل کو نسلر را کیش کمار سمیت مختلف شعبہ ہائے زندگی سے وابستہ سیاسی ، سماجی دانشوران نے مو لانا آ زاد کی ملک اور تعلیمی خدمات پر اظہار خیال کیا اور انہیں خراج عقیدت پیش کی ۔اس موقع پرپروگرام کے کنوینر حاجی فضل الرحمن اور سماجی کارکن آدم رحمن نے اس موقع پر مہمانوں کا والہانہ استقبال کیا ۔ مو لانا آزاد کو خراج عقیدت پیش کرتے ہو ئے پرو فیسر را جکمار جین نے کہاکہ مو لانا آزادنے ایک صحافی کے طور پر 'الہلال ' کے ذریعہ تحریک آزادی کو آگے بڑھا یا ۔' بھارت رتن' مو لانا آزاد نے تعلیم اور ملک کی ترقی کے ساتھ عوام کوجو ڑ نے ، یکجہتی ، باہمی ہم آ ہنگی ، بھائی چارہ اور امن و امان کےلئے کام کیا ۔مو لانا نے ملک کی تعمیر و ترقی میں عوام کی حصہ داری کےلئے اہم تعلیمی ادارے قائم کئے۔جن سے آج بھی ملک کے عوام استفادہ حاصل کر رہے ہیں ۔ کو نسلر را کیش کمار نے کہاکہ مو لاناآزادجنگ آزادی کے جا نباز سپاہی ہی نہیں بلکہ ایک بہترین سیاسی بصیرت رکھنے والی شخصیت تھے ۔ مولانا کی قیادت کی وجہ سے آ ج ہندوستان کی گنگا جمنی تہذیب برقرار ہے ۔ اس موقع پر مشن ایجوکیشن کے صدر شفیع دہلوی ، منصوری ویلفیئر فاﺅنڈیشن کے صدر حسنین اختر منصوری، حاجی سلیم ، رشید خاں،مسرورالحسن ،محمد دانش ، عاقل ننو، علین سمیت مختلف شعبہ ہائے زندگی سے وابستہ سماجی ، سیاسی اورصحافی حضرات مو جود تھے ۔آخر میں نو جوان سماجی کارکن آ دم رحمن نے تمام حاضرین کا شکریہ ادا کیا ۔
