ہماری دنیا بیورو
ممبئی،07نومبر: مہاراشٹر میں حکومت بنے گی یا نہیں، ابھی تک یہ واضح نہیں ہو سکا ہے۔ اس دوران شیوسینا کے سربراہ ادھو ٹھاکرے کی رہائش گاہ ماتوشری میں پارٹی کے ممبران اسمبلی کی میٹنگ ختم ہو چکی ہے۔ شیوسینا کے تمام ممبران اسمبلی کو اب ایک فائیو اسٹار ہوٹل میں شفٹ کیا گیا ہے۔ یہ ممبر اسمبلی رنگ شاردا ہوٹل میں بھیجے گئے ہیں۔ غور طلب ہے کہ اس سے پہلے شیوسینا کی جانب سے خوف ظاہر کیا گیا تھا کہ بی جے پی اس کے ممبران اسمبلی کی خرید و فروخت کر سکتی ہے۔ تاہم، جمعرات کی صبح ہی شیوسینا کے لیڈر سنجے راوت نے کہا تھا کہ ان کی پارٹی کے ممبر اسمبلی ڈٹے ہوئے ہیں اورڈرناا نہیںچاہیے جو ایسی افواہ پھیلا رہے ہیں۔
دوسری طرف کانگریس نے جنرل سکریٹری سچن ساونت نے کہا کہ مہاراشٹر کو اخلاقی طور پر بدعنوان بی جے پی سے بچانا ہوگا۔ انہوں نے ایک ٹوئٹ کیا کہ 'شیوسینا'، بی جے پی اتحاد اور مہاگٹھ بندھن کا حصہ ہیں۔ اگر اسے ڈر لگتا ہے کہ بی جے پی ان کے ممبران اسمبلی کو خریدے گی تو ہم بہت اچھی طرح سمجھ سکتے ہیں کہ بی جے پی اخلاقی طور سے کتنی بدعنوان ہے اور کیوں ہمیں مہاراشٹر کو ان سے بچانا چاہئے۔ ساونت نے ٹوئٹ کیا ، کیا مہاگٹھ بندھن کے پاس اب حکومت بنانے کا اخلاقی حق ہے؟ وہ سیاسی غیر یقینی صورتحال کے درمیان شیوسینا کے ذریعہ اپنے ممبران اسمبلی کو باندرا کے رنگ شاردا ہوٹل میں ٹھہرانے کے فیصلے کا ذکرکررہے تھے۔ادھر کانگریس ریاستی صدر بالاصاحب تھاروٹ نے دعویٰ کیا کہ بی جے پی نے اپوزیشن خیمہ کے کچھ ممبران اسمبلی سے رابطہ کرنے کی کوشش کررہی ہے۔ انہوں نے کہا کہ نئی حکومت کو لے کر بی جے پی اور اس کی معاون شیوسینا کے درمیان جاری آپسی چپقلش کے درمیان ریاست اور اس کے کسان پریشانیوں کا سامنا کررہے ہیں۔
وہیں، بی جے پی لیڈر سدھیر منگٹی وار نے کہا کہ بی جے پی کمزور حکومت نہیں بنائے گی۔ اس پر پوری بات چیت کی جائے گی۔ اس دوران نتن گڈکری کے وزیراعلیٰ بننے کی قیاس آرائیوں پر بھی انہوں نے کہا کہ وہ ریاست کی سیاست میں نہیں آئیں گے۔
وہیں، اس دوران خبر ہے کہ شیو سینا کے رہنما سنجے راوت نے ایک بار پھر کہا ہے کہ کسی بھی حالت میں مہاراشٹر کا اگلا وزیر اعلیٰ شیو سینا کاہی بننے جا رہا ہے۔ دوسری طرف بی جے پی بھی اس پر اپنا دعویٰ کر رہی ہے۔ مرکزی وزیر نتن گڈکری نے کہا کہ ریاست میں حکومت بنانے پر جلدہی فیصلہ لیا جائے گا۔ انہوں نے کہا کہ چونکہ بی جے پی نے شیوسینا سے زیادہ سیٹیں جیتی ہیں، اس لئے وزیر اعلیٰ انہی کی پارٹی کا ہوگا۔ ناگپور سے رکن پارلیمنٹ نے یہاں نامہ نگاروں سے بات چیت کے دوران ریاست کا سب سے اعلیٰ عہدہ سنبھالنے کے لئے ریاست میںاپنی واپسی کی خبروں کو بھی مسترد کر دیا۔
