ہماری دنیا بیورو
جے پورلکھنو ¿:جے پور میں بہوجن سماج پارٹی (BSP) رہنماو ¿ں کے ساتھ بی ایس پی کارکنوں نے ہی مارپیٹ کی اور پھر جوتے کی مالا پہناکر گدھے پر بٹھا کر گھمایا۔بی ایس پی کے نیشنل کوآرڈی نےٹر رام جی گوتم جے پور میں پارٹی کارکنوں کے ساتھ میٹنگ کرنے آئے تھے، وہ پارٹی آفس میں ہی ٹھہرے ہوئے تھے۔
صبح جب مارننگ واک پر وہ 8:30 بجے پارٹی دفتر سے آ رہے تھے تبھی ہاتھوں میں بی ایس پی کا جھنڈا لئے بھرت پور سے آئے کارکنوں نے انہیں پکڑ کر پہلے تو مارا پیٹا گیا اور پھر منہ پر سیاہی پوت کر، جوتے کی مالا پہناکر، گدھے پر بٹھا کر گھمایا۔
رام جی گوتم کارکنوں کے سامنے ہاتھ جوڑتے رہ گئے۔ انہوں نے کارکنوں سے کہا کہ اس سے پارٹی کو نقصان ہوگا۔مجھے گولی مار دو مگر یہ مت کرو۔
وہیں پارٹی سپریمو مایاوتی نے اس کے لئے کانگریس کو ذمہ دار ٹھہرایا ہے۔ مایاوتی نے ٹویٹ کر کے غصہ کا اظہار کیا اور کانگریس کو سازش کا ذمہ دار بتایا۔ منگل کے روز ایک بیان میں انہوں نے کہا کہ 'جیسے کو تیسا' کا جواب دے سکتے ہیں۔ انہوں نے کہا کانگریس امبےڈکرنوازتحریک کے خلاف بہت غلط روایت شروع کر رہی ہے۔ یہ قابل مذمت اور شرمناک ہے۔
مایاوتی نے ٹویٹ کیا کہ کانگریس پارٹی نے پہلے راجستھان میں بی ایس پی ممبران اسمبلی کو توڑا اور اب تحریک کو نقصان پہنچانے کے لئے وہاں سینئر لوگوں پر حملہ کروا رہی ہے جو انتہائی قابل مذمت اور شرمناک ہے۔ کانگریس امبےڈکرنوازوں کے خلاف بہت غلط روایت شروع کر رہی ہے جس کا جیسے کو تیسا جواب لوگ دے سکتے ہیں۔ انہوں نے کہا کہ کانگریس پارٹی کو ایسی حرکتوں سے باز آ جانا چاہئے۔
وہیں کانگریس کا کہنا ہے کہ مایاوتی اپنے گھر کی طرف دیکھیں۔کانگریس کے موٹر گیراج اور پالیسی ساز وزیر نے کہا کہ یوپی میں اگر کچھ گڑبڑ ہوتا ہے تو ہم بی ایس پی کو اس کے لئے ذمہ دار نہیں ٹھہراتے، جو بھی مجرم ہوگااسے بخشا نہیں جائے گا۔
