ہماردی دنیا بیورو
ممبئی۔ وزیر اعظم نریندر مودی نے اتوار کو کہا کہ جموں و کشمیر اور لداخ صرف زمین نہیں بلکہ ملک کا تاج ہے۔ ستر سال بعد کشمیر کو آزادی ملی ہے۔ کانگریس اور نیشنلسٹ کانگریس پارٹی کے لیڈر اس کی مخالفت کر رہے ہیں۔ ان کی حکومت سڑک سے آبپاشی تک اور تعلیم سے ادویات تک ہر شعبہ میں کام کر رہی ہے۔ مہاراشٹر میںجاری ترقیاتی کاموں کو جاری رکھنے کے لئے وزیر اعظم نے بی جے پی اتحادکے امیدواروں کو ووٹ دینے کی اپیل کی۔ وزیر اعظم نے کہا کہ مہاراشٹر میں این ڈی اے کی ہی حکومت بنے گی۔
وزیر اعظم مودی نے یہ بات جل گاو ¿ں میں ایئرپورٹ کے باہر میدان میں منعقد انتخابی ریلی میں کہی۔ وزیر اعظم نے کہا کہ مرکز میں اکثریت سے آئی حکومت کے ترقیاتی کاموں کی وجہ سے بیرون ملک بھی بھارت کوعزت و احترام مل رہا ہے۔تھکے ہوئے لیڈران ایک دوسرے کے کندھوں کا سہارا تلاش کر رہے ہیں۔ کانگریس اور راشٹروادی کے لیڈر دشمن ملک کی زبان بول رہے ہیں۔
انہوں نے کہا کہ ہماری حکومت کی توجہ صرف لوگوں کے مسائل کو دور کرنا ہے۔ 2022 تک ہماری حکومت ملک کے ہر ضرورت مند کو پکا مکان دینے کے لئے پرعزم ہے۔ اس کے لئے حکومت تیزی سے کام کر رہی ہے۔ وزیر اعظم مودی نے مہاراشٹر کے وزیر اعلیٰ کے کام کی تعریف کرتے ہوئے کہا کہ ریاست دیویندر کی قیادت میں تیزی سے ترقی کر رہی ہے۔ ریاست میں پانچ سال پہلے 70 ہزار کروڑ روپے کی آبپاشی منصوبہ شروع کیا گیا تھا، پیسے بھی خرچ ہوئے، لیکن کسی بھی کسان کے کھیت میں ایک بوند پانی نہیں پہنچ سکا تھا لیکن دےویندرفڈنویس نے پہلے سے زیر التوا آب پاشی کے منصوبوں کو پورا کیا۔ اتنا ہی نہیں دیویندرفڑنویس نے'پانی بچاو'مہم کے ذریعے سے پانی بچانے اور پانی کے تحفظ کا کام جاری ہے۔ اس کام کو رفتار دینے کے لئے مرکزی حکومت نے بھی پانی کے تحفظ اور ہر گھر میں پانی کی فراہمی کے لئے مہم شروع کی ہے۔
وزیر اعظم نے کہا کہ ان کی حکومت کسانوں کو خود کفیل بنانے کی سمت میں کام کر رہی ہے۔ اس کے لئے فوڈ پروسیسنگ منصوبہ شروع کیا گیا ہے۔ جل گاو ¿ں میں کیلا پیدا کرنے والا کسان اب اس مہم کی وجہ سے کیلا برآمدکرنے والا کسان بننے والا ہے۔ یہ مہم قبائلی علاقوں میں شروع کیا گیا ہے۔ اسی طرح ہر علاقے کو ریل اور ہوائی راستے سے جوڑنے کا کام تیز رفتار سے جاری ہے۔ وزیر اعظم نے کہا، مہاراشٹر کو ترقی کی راہ پر تیزی سے لے جانے والے دیویندر فڑنویس کودوبارہ وزیر اعلیٰ بنایا جانا ضروری ہے۔ لہٰذا تمام لوگ بی جے پی اتحاد کے لئے ووٹ دے کر دیویندر کو دوبارہ وزیر اعلی بنائیں، جس کی وجہ سے ترقی کی راہ میں روکاوٹ نہ پیدا ہوسکے۔
